Неъматов Жаҳонгир Тўлқинович 2000 йилда имом Бухорий номидаги Тошкент ислом институтига ўқишга кириб 2004 йилда уни имтиёзли битирган. 2004 йилда Тошкент Давлат Шарқшунослик институти “Халқаро алоқалар ва иқтисод” факультети “Исломшунослик” бўлимига магистратурага ўқишга кириб, 2006 йил тамомлади. 2006-2011 йил мобайнида ТДШИ да ўқитувчи лавозимида ишлади. Бу орада 2007-2008 йили институт томонидан фаол меҳнатлари учун Қоҳирадаги “Айн Шамс” университетига 6 ой муддатга малака ошириш учун юборилган. Қоҳирада Ҳафснинг Осимдан қилган ривояти Имом Шотибий йўли орқали Пайғамбар алайҳиссаломга боғланган санад (ижоза)ни олган.
2011 йилдан бугунги кунга қадар Тошкент ислом институтида ўқитувчи бўлиб ишлаб, талабаларга “Қуръон қироати ва тажвид” фанидан дарс бериб келмоқда.
2003 йил Саудия Арабистони Макка шаҳрида бўлиб ўтган 25-бутунжаҳон халқаро қорилар мусобақаси иштирокчиси.
2011 йили Ибн Ҳишомнинг “Сийра ан-Набавийа” асари таржимаси гуруҳ аъзоси;
2012 йили Ибн Баттутанинг “Саёҳатнома” китоби таржимонлар гуруҳи аъзоси;
2013 йили “Қуръон ёдлаш фазилатлари” китоби таржимонлар гуруҳи аъзоси;
2014 йили “тажвид” фанидан “Тартил” китоби муаллифи;
2015 йили “Муаллими соний” китоби ношири ва илова қилинган овозли диск муаллифи.
MP3
26 
0
16 Февраль 2017 
28816 